មនុស្ស៤នាក់ ត្រូវបាននគរបាលខណ្ឌច្បារអំពៅ ចាប់ខ្លួនពីបទជួញដូរនិងប្រើប្រាស់ដោយខុសច្បាប់នូវសារធាតុញៀន
17-October-2019 | ដោយ ពលមនសិការ
ភ្នំពេញ៖ កម្លាំងនគរបាលខណ្ឌច្បារអំពៅ សហការជាមួយកម្លាំងប៉ុស្តិ៍នគរបាលនិរោធ ឃាត់ខ្លួនជនសង្ស័យ០៤នាក់ នៅខ្ទមចាស់គ្មានលេខ ផ្លូវលំ ភូមិកោះនរា សង្កាត់និរោធ ខណ្ឌច្បារអំពៅពីបទ៖ជួញដូរនិងប្រើប្រាស់ដោយខុសច្បាប់នូវសារធាតុញៀន កាលពីយប់ថ្ងៃទី១៦ ខែតុលា ឆ្នាំ២០១៩ វេលាម៉ោង២១និង៤០នាទី។
មន្ត្រីនគរបាលខណ្ឌច្បារអំពៅបានឲ្យដឹងថាជនសង្ស័យទី១-ឈ្មោះ គីម ហួត ភេទប្រុស អាយុ២៩ឆ្នាំ ជនជាតិវៀតណាម មុខរបរមិនពិតប្រាកដ ស្នាក់នៅ ភូមិជ្រោយបាសាក់ សង្កាត់ព្រែកប្រា ខណ្ឌច្បារអំពៅ, ទី២-ឈ្មោះ សុំ សុវណ្ណគិរី ភេទប្រុស អាយុ៣០ឆ្នាំ ជនជាតិខ្មែរ មុខរបរគ្មាន ស្នាក់នៅពុំពិតប្រាកដ, ទី៣-ឈ្មោះ ណៃ សុខហៀង ភេទប្រុស អាយុ៣០ឆ្នាំ ជនជាតិខ្មែរ មុខរបរគ្មាន ស្នាក់នៅមិនពិតប្រាកដ និងទី៤-ឈ្មោះ សាខន ពិសាក់ ភេទប្រុស អាយុ២៧ឆ្នាំ ជនជាតិខ្មែរ មុខរបរគ្មាន ស្នាក់នៅមិនពិតប្រាកដ។
ដកហូតបានវត្ថុតាងមាន៖ ក្រាមពណ៌សថ្លា (សង្ស័យគ្រឿងញៀន) ០៨កញ្ចប់ថង់តូច និង០១កញ្ចប់ថង់ធំល្មមសរុប០៩កញ្ចប់, ទូរស័ព្ទម៉ាក ណូគារស៊េរីចាស់០២គ្រឿង ពណ៌ខ្មៅ០១ និងពណ៌ក្រហម០១។
បច្ចុប្បន្នជនសង្ស័យទាំង៤នាក់ កំពុងឃាត់ខ្លួនបណ្តោះអាសន្ននៅអធិការដ្ឋានដើម្បីកសាងសំណុំរឿងចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ9021
- ម្សិលមិញ20231
- សប្តាហ៍នេះ88101
- ខែនេះ109981
- ឆ្នាំនេះ109981
- សរុប20552437